Баар буолара булгуччулаах эмп суох түгэнигэр аптека ыстырааптанар эбит
Булуҥ улууһун Тиксиитигэр баар 60 нүөмэрдээх киин аптека сэбиэдиссэйэ РФ КоАп 14.1 4 ыст. 4 ч административнай быраабы кэһэн, 5 тыһ. солкуобайынан ыстырааптаммыт. Тоҕо буолуой?
Бу дьыл кулун тутар 26 күнүгэр туһааннаах оройуон борокуратуурата олохтоох аптека туһааннаах сокуоннары төһө тутуһарын, эмп сыаната төһө оруннаахтык олохтоммутун, олоҕу быыһыырга, суһал көмөнү оҥорорго олус наадалаах, ол эбэтэр ханнык баҕарар балаһыанньаҕа булгуччу баар буолуохтаах эмп кэрискэтэ төһө баарын-суоҕун бэрэбиэркэлээбит. Ол түмүгэ булгуччулаах ассортимеҥҥа киирсэр “Омепразол, “Ко-тримоксазол” курдук эмтэр суохтарын көрдөрбүт.
Сокуон этэринэн, фармацевтика эйгэтигэр дьарыктанар лиссиэнсийэлээх аптекаҕа дойду Бырабыыталыстыбатынан бигэргэммит эмп муҥутуур кыра, булгуччулаах кээмэйэ хайаан да баар буолуохтааҕа ирдэнэр эбит. Бэрэбиэркэ кэнниттэн ирдэнэр эмп кэрискэтэ толору баар буолбут.
Бу туһунан СӨ сууттарын холбоһуктаах пресс-сулууспата иһитиннэрэр.
Атын тыа сирдэригэр итинник бэрэбиэркэ төһө ыытыллара буолла?
Сонуннар
Ордук ааҕаллар
