Баһылык тус приемугар хайдах суруйтарыахха сөбүй?

Куорат олохтоохторо баһылык Евгений Григорьев тус приемун көмөтүнэн олох бары эйгэтин хабар тыын боппуруостарын быһаартарар, көмө, сүбэ ылар кыахтаахтар.

Баһылык гражданнары кытта эрдэттэн суруйтарыынан көрсөр. Көрсүһүүгэ суруйтарарга Сурук отделыгар эбэтэр Олохтоох дьаһалта тэрилтэлэригэр сайабылыанньа суруйуохха наада. Сайабылыанньаҕа быһаартарыахтаах боппуруоһу сиһилии ыйар уонна инники өттүгэр атын инстанцияларынан туох быһаарыы ылыллыбытын сыһыарар наада. Маны сэргэ тус дааннайдары ыйар ирдэнэр: төлөпүөн нүөмэрэ, электроннай аадырыс.

Сайабылыанньаны ыытар ньымалар:

yakutsk@sakha.ru Олохтоох дьаһалта официальнай электроннай почтатыгар;
– 40-80-76 төлөпүөнүнэн;

Дьокуускай к., Ленин проспега, 15 аадырыска тиийэн.

Сурук отделын аадырыһа: Дьокуускай к., Ленин проспега, 15, 113 кэб., үлэ күннэригэр сарсыарда 09:00 чаастан киэһэ 18:00 чааска диэри (эбиэккэ тохтобул – 13:00-14:00 чч.).

 

Санатар буоллахха, ахсынньы ыйга буолан ааспыт баһылык приемнарыгар анал байыаннай дьайыы кыттыылаахтарын төрөппүттэрэ, кэргэттэрэ олорор дьиэ, сир учаастагын боппуруостарын быһаартарар, кэккэ гражданнар «Строим вместе» ЖСПК тутуохтаах дьиэтин болдьоҕун билсэр сыаллаах кэлбиттэрэ.