Баһылыгы кытта көрсүһүү өрүү түмүктээх

Урбаанньыт, страйкболу тэрийээччи Кирилл Коренухин иһитиннэрбитинэн, Дьокуускайга спорт бу көрүҥүнэн 300-чэкэ улахан киһи дьарыктанар эбит. Урбаанньыт баһылыгы кытта салгыы оҕолору дьарыктыыр санаатын үллэстибит. Евгений Николаевич киниэхэ НКО тэринэн, куорат бүддьүөтүттэн грант ылыахха сөп диэн сүбэлээбит.

Иккис киһинэн дзюдо тренерэ Валерий Герасимов буолар. Евгений Григорьев кинини быйыл Губин уулуссатыгар тутуллубут сабыс-саҥа дзюдо уонна самбо саалатыгар тренеринэн үлэҕэ ыҥырбыт.

Баһылыгы кытта көрсүһүүлэр ити курдук өрүү үтүө түмүктээх буолаллар.

Санатар буоллахха, киин куорат баһылыгар тус приемҥа эрдэттэн суруйтаран киириэххэ сөп. Онуоха Сурук отделыгар эбэтэр Олохтоох дьаһалта тэрилтэлэригэр сайабылыанньа суруйуохха наада. Онно боппуруоһу сиһилии ыйыллар уонна инники өттүгэр туох быһаарыы ылыллыбытын (оннук баар буоллаҕына) суруллар. Маны сэргэ тус дааннайдары ыйар ирдэнэр: төлөпүөн нүөмэрэ, электроннай эбэтэр почтовай аадырыс.

Сайабылыанньаны ыытар ньымалар:

– yakutsk@yakadm.ru Олохтоох дьаһалта официальнай электроннай почтатыгар;

– Дьокуускай к., Ленин проспега, 15 почтовай аадырыска суруйан;

– Сурук отделыгар тиийэн: Дьокуускай к., Ленин проспега, 15, 109 кэб., үлэ күннэригэр сарсыарда 09:00 чаастан киэһэ 18:00 чааска диэри (эбиэккэ тохтобул – 13:00-14:00 чч.).

Тус прием туһунан 40-80-76 төл. эрийэн ыйыталаһыахха сөп.