Баһаартан сэрэхтээх буолуҥ!

Олохтоох дьаһалта куорат олохтоохторо айылҕаҕа сынньанар миэстэлэрин чопчулаата. Ол курдук, баһаартан сэрэхтээх буолуунан сибээстээн быйыл Кангалаас уонна Хатас нэһилиэктэрин таһынааҕы сирдэр талылыннылар. Бу туһунан Олохтоох дьаһалта пресс-сулууспата иһитиннэрдэ.

Чуолаан, Дьокуускай куорат олохтоохторо Өлүөнэ эбэ кытылыгар, чох тиэйэн сүөкүүр сиртэн чугас, Кангалаас тумулугар сынньаныахтарын сөп. Итини таһынан, Покровскайдыыр суол 20 км (Дьокуускай – Покровскай суол уҥа өттүгэр) сынньанар сирдэр тэрилиннилэр.
Гражданнар ыйыллыбыт миэстэлэргэ хаһан баҕар сынньанар бырааптаахтар, ол эрээри маһынан кутаа оттор, уот уматар бобуллар. Баһаартан сэрэхтээх буолуу миэрэлэрин тутуһуу иитинэн ыйыллыбыт территорияларга чоҕунан шашлык буһарар сирдэр бааллар. Кутааны иилии дьаама хаһан бэлэмниир наада. 
Дьокуускай куорат ЫБММ судаарыстыбаннай управлениета, Гражданскай оборонаҕа уонна ыксаллаах быһыыга-майгыга управлениета санаталлар: гражданнар ойуурга баһаары көрдүлэр даҕаны суһаллык «101», «112» эбэтэр 44-45-64 ЕДДС нүөмэрдэригэр  төлөпүөннээн биллэриэхтээхтэр. 
Санатар буоллахха, баһаартан сэрэхтээх буолуу быраабылаларын кэһии иһин РФ КоАП 20.4 ыст. 1 ч. административнай ыстараап көрүллэр:
- гражданнарга 5000 солк. 15 000 солк. диэри;
- дуоһунастаах сирэйдэргэ 20 000 солк. 30 000 солк. диэри;
- тэрилтэлэргэ 300 000 солк. 400 000 солк. диэри.