Баһаар барыытыгар буруйдааҕы буларга көмөлөспүккэ – харчынан төлөбүр

Дьокуускай уокуруктааҕы дьаһалтатын гражданскай оборонаҕа, нэһилиэнньэни уонна сири-уоту ыксаллаах быһыыттан-майгыттан харыстааһын уонна баһаарынай куттал суох буолуутун управлениета санатар: СӨ Бырабыыталыстыбатын 2022 с. сэтинньи 24 күнүнээҕи 689-с нүөмэрдээх уурааҕынан Саха сиригэр ойуур баһаарын ыыппыт буруйдааҕы буларга көмөлөспүт, быраабы араҥаччылыыр уорганнарга эбэтэр хонтуруоллуур-кэтиир уорганнарга кырдьыктаах информацияны тириэрдибит гражданиҥҥа 10 тыһ. солк.  кээмэйдээх төлөбүр оҥоһуллар. 
Төлөбүр хас биирдии ойуур баһаарыгар, уот туруутугар буруйдаах хас биирдии киһи аайы оҥоһуллар. Ол эрээри уот барыытыгар хас да киһи буруйдаах түгэнигэр, төлөбүр 50 тыһ. солкуобайтан улааппат.
Бу төлөбүрү СӨ Экологияҕа, айылҕа баайын туһаныыга уонна ойуур хаһаайыстыбатыгар министиэристибэтэ ыксаллаах быһыыны-майгыны сэрэтиигэ, айылҕа содулун туоратыыга СӨ Бырабыыталыстыбатын резервэ пуондатыттан оҥорор.  

Баһаар буоллаҕына суһаллык эрийиҥ: 
Баһаарынай охрана– 101
Быыһыыр сулууспа – 112
Дьуһуурунай диспетчер кэлим сулууспата – 44-45-64
СӨ регионнааҕы ойуур хаһаайыстыбатын диспетчерскэй сулууспата: 8(4112)44-74-76, 8(4112)44-77-76

 Дьокуускайдааҕы "УГОЧС уонна ОБП" ГО МКУ иһитиннэриитинэн