Бөҕү сүөкээбит массыыналар ыстарааптаннылар

Суоппардар РФ Административнай кодексатын 8.2 ыст. 3.3 чааһынан 40-нуу тыһ. солкуобайга ыстарааптаннылар.

Буруйданааччылар көҥүлэ суох сиргэ сүөкээбит бөхтөрүн хомуйан, куорат сыбаалкатыгар тиэйдилэр.

Сокуон ирдииринэн, маннык ис хоһоонноох буруй иһин гражданнары 40-тан 50 тыһ. солк. тиийэр кээмэйдээх ыстараап күүтэр, дуоһунастаах сирэйдэри – 60-тан 80 тыһ. солк. диэри; юридическай сирэйдэри – 100-тэн 120 тыһ. солк. диэри.
Санатар буоллахха, буруйу хатылааһын иһин бу ыстатыйа 3.4 чааһынан тырааныспары былдьатыыга тиийэ ыстараап күүтэр.

Куораппыт ыраас буоларыгар хайдах көмөлөһүөххэ сөбүй?

Олорор, төрөөбүт куораппыт ыраас, чэбдик буоларыгар хас биирдии төлөпүөннээх киһи көмөлөһүөн сөп. Суол кытыытыгар, аппаҕа, уу кытылыгар, чааһынай учаастактарга массыынаттан бөҕү сүөкүү турар түгэннэрин бэлиэтии көрдүгүт – сонно тута хаартыскаҕа түһэрэн, видеоҕа устан, быһыы-майгы буолбут аадырыһын, күнүн-дьылын, тиэхиньикэ нүөмэрин ыйан туран, yak_kop@sakha.gov.ru электроннай почтаҕа, айылҕа харыстабылын министиэристибэтин тг-ханаалыгар   ыытыахха эбэтэр аадырыска аҕалан биэриэххэ сөп: Дьокуускай к., 202-с түөлбэ, 18/2 куорпус.