Бөҕү наардыыр комплекс тутуута – хаартыскаларга

Санатар буоллахха, куорат баһылыгын бастакы солбуйааччы Андрей Лебедев  "Саха" ГТРК быһа эпииригэр комплекс алтынньы ыйтан үлэҕэ киириэҕэ диэн иһитиннэрэн турар.

Андрей Лебедев:
- Дьокуускай куорат бүгүҥҥү сытыы кыһалҕата - бөх. Бүлүүлүүр суол 9 км баар сыбаалка быйыл сабыллан, саҥа полигон үлэҕэ киириэҕэ. Онон сотору эргэ сыбаалканы ыраастыыр үлэҕэ куонкурус биллэриллиэҕэ. Маны сэргэ Бүлүү суолун 26-с км бөҕү наардыыр ыстаансыйа үлэҕэ киирээри турар. Ол эбэтэр мантан ыла тиэйиллэн кэлбит бөх пластик, тимир, кумааҕы, о.д.а. диэн наарданыллар буолуоҕа. Кэнэҕэһин бөҕү туһаҕа таһаарыыга үлэ барыаҕа. Холобур, пластиктан тротуар билиитэтин, кумааҕыттан крафт оҥорууга этиилэри күүтэбит.