Бөҕү көҥүлэ суох сиргэ тоҕооччулары уодьуганныахха

Ааспыт нэдиэлэҕэ Строительнай уонна Автодорожнай уокуруктарга эриэйдэ нэһилиэнньэттэн киирбит үҥсүүлэргэ олоҕуран ыытылынна.

Ол курдук, тохсунньу 21 күнүгэр хас да массыына кирдээх убаҕаһы тэхиньиичэскэй коллекторга кутарга соруммута бохсуллубут. Сокуону кэһээччи суоппардарга административнай боротокуол толоруллубут.

Тохсунньу 23 күнүгэр Краснояров уул., 32 эмиэ коллекторга «сүөкэнэ» турар массыына тутуллан, ыстараап тохтобулугар утаарыллыбыт.

Санатар буоллахха, Дьокуускай куоракка убаҕай бөҕү босхо сүөкүүр үс ыстаансыйа үлэлиир.

Дьокуускай куоракка кирдээх убаҕаһы тутар пууннар:

– Маҕан суолун 2 км;

– ДСК оройуонугар (Михаил Николаев проспегынан киириллэр);

– Сэбиэскэй Аармыйа 50 сыла уул., 53.

Маннык кэһии иһин хас да ыстатыйанан административнай эппиэтинэскэ тардыллыахха сөп.

Бастатан туран, РФ Административнай быраабы кэһиилэр туһунан Кодексатын «Несоблюдение требований в области охраны окружающей среды при обращении с отходами производства и потребления» 8.2 ыст. 3 чааһыгар олоҕуран, дьон доруобуйатыгар эбэтэр тулалыыр эйгэҕэ буортуну оҥоруу; дьаҥ эбэтэр сыстыганнаах ыарыы тэнийиитигэр тиэрдии, өскөтүн ол дьайыы (тугу да гынымыы) холуобунай буруйу оҥоруута суох буоллаҕына, административнай ыстараап кээмэйэ бачча буолар:

-  гражданнарга – 5 000 солкуобайтан 7 000 солк. диэри;

- дуоһунастаах сирэйдэргэ – 40 000 солкуобайтан 50 000 солк. диэри;

- юридическай сирэй буолбатах урбаан үлэтин оҥорооччуларга – 70 000 солкуобайтан 80 000 солк. диэри эбэтэр үлэлэрин 90 сууккаҕа диэри административнай тохтотуу;

- юридическай сирэйдэргэ – 400 000 солкуобайтан 500 000 солк. диэри эбэтэр үлэлэрин 90 сууккаҕа диэри административнай тохтотуу.

Иккиһинэн, бу ыстатыйа 3.3 чааһыгар олоҕуран, таһаҕас тиэйэр тырааныспар, прицеп, тыраахтар уо.д.а. көмөтүнэн тулалыыр эйгэни киртитиигэ маннык кээмэйдээх административнай ыстараап ууруллар:

- гражданнарга 40 000 солкуобайтан 50 000 солк. диэри;

- дуоһунастаах сирэйдэргэ – 60 000 солкуобайтан 80 000 солк. диэри;

- юридическай сирэйдэргэ – 100 000 солкуобайтан 120 000 солк. диэри.

Үсүһүнэн, Арассыыйа Федерациятын Административнай быраабы кэһиилэр туһунан Кодексатын «Нарушение требований к охране водных объектов, которое может повлечь их загрязнение, засорение и (или) истощение» диэн 8.13 ыст. 4 чааһыгар олоҕуран, административнай ыстараап кээмэйэ маннык буолар:

- гражданнарга – 1500 солкуобайтан 2000 солк. диэри;

- дуоһунастаах сирэйдэргэ – 50 000 солкуобайтан 80 000 солкуобайга диэри; 

- юридическай сирэйдэргэ – 150 000 солкуобайтан 300 000 солк. диэри.

Төрдүһүнэн, ити этиллибит 8.13 ыст. «Загрязнение ледников, снежников или ледяного покрова водных объектов либо загрязнение водных объектов, содержащих природные лечебные ресурсы или отнесенных к особо охраняемым водным объектам, местам туризма, спорта и массового отдыха, отходами производства и потребления и (или) вредными веществами, а равно захоронение вредных веществ (материалов) в водных объектах» диэн 5 чааһыгар олоҕуран, административнай ыстараап кээмэйэ:

гражданнарга – 2000 солкуобайтан 2500 солк. диэри; дуоһунастаах сирэйдэргэ – 50 000 солкуобайтан 80 000 солк. диэри; юридическай сирэйдэргэ – 150 000 солкуобайтан 300 000 солк. диэри буолар.

Маны таһынан сокуону кэспит киһи тулалыыр эйгэҕэ уонна айылҕаҕа хоромньуну оҥорууга буруйданар кутталлаах. Ол хоромньу киртийии төһө улаханыттан уонна иэниттэн ааҕан таһаарыллар. Итиннэ кээмэйэ ыстараап сууматынааҕар төһө эмэ улахан диэн эбэн этэр тоҕоостоох.

Куораппыт ыраас буоларыгар хайдах көмөлөһүөххэ сөбүй?

Олорор, төрөөбүт куораппыт ыраас, чэбдик буоларыгар хас биирдии төлөпүөннээх киһи көмөлөһүөн сөп. Суол кытыытыгар, аппаҕа, уу кытылыгар, чааһынай учаастактарга массыынаттан бөҕү сүөкүү турар түгэннэрин бэлиэтии көрдүгүт – сонно тута хаартыскаҕа түһэрэн, видеоҕа устан, быһыы-майгы буолбут аадырыһын, күнүн-дьылын, тиэхиньикэ нүөмэрин ыйан туран, yak_kop@sakha.gov.ru электроннай почтаҕа, айылҕа харыстабылын министиэристибэтин тг-ханаалыгар   ыытыахха эбэтэр аадырыска аҕалан биэриэххэ сөп: Дьокуускай к., 202-с түөлбэ, 18/2 куорпус.