Бөх тиэйэр массыынаҕа мэһэйдиэҥ – ыстарааптаныаҥ

Бэлиэтээн эттэххэ, бу дьыл от ыйын 1 күнүттэн Саха Өрөспүүбүлүкэтин Административнай буруйу кэһиилэр тустарынан кодексатын 6.35 ыстатыйата күүһүгэр киирдэ.

Суоппардар, болҕойуҥ! Тимир көлөҕүтүн бөх тиэйэр массыына ааһар суолун мэһэйдии туруордаххытына, сэрэтии ылыаххытын эбэтэр 1 тыһ. солк. 3 тыһ. солкуобайга диэри ыстарааптаныаххытын сөп. Дуоһунастаах сирэйдэргэ ыстараап кээмэйэ ботуччу – 5-тэн 10 тыһ. солк. диэри. Юридическай сирэйдэргэ – 10 тыһ. солк. 20 тыһ. солк. диэри.

Бастакы икки дьыаланы сарсын, балаҕан ыйын 17 күнүгэр, административнай хамыыһыйа мунньаҕар көрүөхтэрэ.

Суоппардары массыыналарын бөх контейнердара турар сирдэриттэн тэйиччи туруоралларыгар, анал тиэхиньикэ киирэр суолун бүөлээбэттэригэр ыҥыраллар.