Бөх полигона Дьокуускайга алтынньы 1 күнүттэн үлэҕэ киириэҕэ

Андрей Лебедев:
- Дьокуускай куорат бүгүҥҥү сытыы кыһалҕата - бөх. Бүлүүлүүр суол 9 км баар сыбаалка быйыл сабыллан, саҥа полигон үлэҕэ киириэҕэ. Онон сотору эргэ сыбаалканы ыраастыыр үлэҕэ куонкурус биллэриллиэҕэ. Маны сэргэ Бүлүү суолун 26-с км бөҕү наардыыр ыстаансыйа үлэҕэ киирээри турар. Ол эбэтэр мантан ыла тиэйиллэн кэлбит бөх пластик, тимир, кумааҕы, о.д.а. диэн наарданыллар буолуоҕа. Кэнэҕэһин бөҕү туһаҕа таһаарыыга үлэ барыаҕа. Холобур, пластиктан тротуар билиитэтин, кумааҕыттан крафт оҥорууга этиилэри күүтэбит.

Андрей Лебедев маны сэргэ сыл аайы итиини эрдэ биэрэр үгэһинэн, быйыл балаҕан ыйын 5 күнүн эргин оттук сезонун саҕалыыр  былаан баарын иһитиннэрдэ. Ол эрээри бу халлаан туругуттан, чуолаан салгын  температуратын сууккаҕа орто көрдөрүүтүттэн тутулуктаах.