Бөх кыһалҕата хамсаан эрэр

Ол курдук, аны сайын манна бөҕү наардыыр уонна дьаптайар оборудование кэлэрэ күүтүллэр.

Маннык быһаарыныы Бүлүүлүүр суол 27 км тутуллубут саҥа полигону үлэлэтэн саҕалыырга тирэх буолар аналлаах. Ол эбэтэр саҥа наардыыр-дьаптайар пуун быстах кэмҥэ, балаҕан ыйын диэки, үлэлиэҕэ, диэн Олохтоох дьаһалтаҕа иһитиннэрдилэр.

Санатар буоллахха, саҥа полигон хас да сыллааҕыта тутуллан баран, 2023 сылга өрөспүүбүлүкэ уйунар кирэдьиитин суотугар үлэҕэ киириэхтээҕэ бүгүн да кыалла илик. Оттон 9 км баар сыбаалка официальнай чахчынан 1974 сылтан үлэлиир буолан, таһынан барбыта ыраатта. Рекультивация бырайыагын «дорожнай каартатынан» букатын даҕаны 2021 сылга сабыллыахтааҕын былырыын «Жилкомсервис» МУТ салайааччыта Юрий Спиридонов полигон бөҕү мунньунар кыамтата 3 сылга тиийиэн сөбүн бэлиэтээбитэ.

Онон, дьэ, сыбаалка кыһалҕатын быһаарыы хамсыах курдук.   

Полигон туһунан "Киин куорат" МАННА суруйан турар.