Бүгүҥҥүттэн БКЭ саҕаланна

Болдьох иннинэ туттарыыга 2542 киһи суруйтарбыт. Эксээмэни урукку сылга бүтэрбит выпускниктар, колледж уонна техникум үөрэнээччилэрэ, ону тэҥэ омук тэрилтэлэригэр орто уопсай үөрэхтээһини ылааччылар туттарыахтарын сөп.

Болдьох иннинэ туттарыы күнэ-дьыла:

кулун тутар 20 күнэ — география уонна литература;

кулун тутар 24 күнэ — нуучча тыла;

кулун тутар 27 күнэ — базовай уонна профильнай математика;

кулун тутар 31 күнэ — биология, физика уонна омук тыллара (суругунан чааһа);

муус устар 3 күнэ — омук тыллара (тылынан чааһа);

муус устар 7 күнэ — информатика, обществознание;

муус устар 10 күнэ — история, химия;

муус устар 13 - 20 күннэрэ — бары предметтэргэ резервнэй күннэр.

БКЭ-ни туттарыы сүрүн кэмэ үөрэх дьыла түмүктэммит кэннэ ыытыллыаҕа — бэс ыйын 1 – от ыйын 9 күннэрэ. 

ОГЭ, 9-с кылаастар туттарар тургутуктара, үс түһүмэҕинэн ыытыллыа: болдьох иннинэ (муус устар 21 күнүттэн ыам ыйын 18 күнүгэр диэри), дьиҥнээҕэ (бэс ыйын 2 – от ыйын 6 күннэрэ) уонна эбии (балаҕан ыйын 3-25 күннэрэ).