Бүгүҥҥүттэн баһаартан сэрэхтээх буолуу ураты эрэсиимэ олохтонно

Атырдьах ыйын 26 күнүттэн балаҕан ыйын 14 күнүгэр диэри киин куорат сиригэр-уотугар баһаартан сэрэхтээх буолуу IV кылаастаах ураты эрэсиимэ биллэрилиннэ.

Бу кэмҥэ бобуллар:
- ойуур үлэтигэр туттуллар уонна ойуур баһаарын сэрэтиигэ уонна умуруорууга үлэлиир тырааныспартан ураты тиэхиньикэнэн тыаҕа тахсыы;
- ойуур үлэһиттэриттэн ураты нэһилиэнньэ ойуурга, ол иһигэр тыа хаһаайыстыбатын сирдэригэр, саппаас сирдэргэ тахсыыта;
- аһы аһаҕас уокка, мангалы уо.д.а. тэрили туттан буһарыы. Уопсастыбаннай аһылык тэрилтэлэрэ (эрэстэрээн, кафе, бар, остолобуой, пиццерия, кофейня, бэлимиэн, блины астыыр тэрилтэлэр) аһаҕас уокка мангалга уо.д.а. тэрилинэн аналлаах сиргэ, баһаартан сэрэхтээх буолуу быраабылатын тутуһан, чоҕу эрэ туттан буһараллара көҥүллэнэр.

Дьокуускай куорат сынньанарга көҥүллэнэр, ол эрээри кутаа уоту оттор бобуллар миэстэлэрэ:
— Кангалаас – таас чоҕу тиэйэр сир кэннигэр (Өлүөнэ эбэҕэ);
— Хатас – Покровскайдыыр суол, 20 км (Дьокуускайтан Покровскай диэки барар суол уҥа өттө);
— Губинскай уокурукка – 202-с түөлбэҕэ куорат сөтүөлүүр сирэ.

Бу сирдэргэ хаһан баҕарар сынньаныахха сөп, ол эрээри кутаа оттор бобуллар. Шашлыгы анал тэриллибит мангалларга буһарыахтарын сөп. Мангал тула баһаары утары хоруу, уоту умуруорар уу баар буолара ирдэнэр.
Ыстараап кээмэйэ:
- гражданнарга 15-тэн 30 тыһ. солк. диэри;
- дуоһунастаах сирэйдэргэ – 30-тан 50 тыһ. солк. диэри;
- юридическай сирэйдэргэ – 100-тэн 400 тыһ. солк. диэри.
Ойууртан чугас уонна 0.5 миэтэрэттэн итэҕэһэ суох минерализованнай балаһата суох сир учаастактарыгар баһаартан сэрэхтээх буолуу быраабылатын тутуспакка хаппыт маһы, көмнөҕү, хаппыт оту, атын даҕаны түргэнник умайар айылҕа матырыйаалын уматыы иһин ыстараап кээмэйэ:
- гражданнарга 30-тан 40 тыһ. солк.диэри;
- дуоһунастаах сирэйдэргэ – 40-тан 60 тыһ. солк. диэри;
- юридическай сирэйдэргэ – 300-тэн 500 тыһ. солк. диэри.
Баһаартан сэрэхтээх буолуу ураты эрэсиимин кэмигэр баһаартан сэрэхтээх буолуу быраабылатын кэһии иһин ыстараап кээмэйэ:
- гражданнарга 40-тан 50 тыһ. солк. диэри;
- дуоһунастаах сирэйдэргэ – 60-тан 90 тыһ. солк. диэри;
- юридическай сирэйдэргэ – 600-тэн 1 000 000 солк. диэри.

Бу туһуһан Олохтоох дьаһалта пресс-сулууспата иһитиннэрэр.