Бүгүҥҥүттэн баһаартан сэрэхтээх буолуу эрэсиимэ олохтонно

Билиҥҥи туругунан 57 ойуур баһаара өрөспүүбүлүкэ 18 улууһугар 26 143,7 гектар иэннээх сири ылан турар. Онтон 18-гар баһаарынньыктар үлэлииллэр. Ойуур баһаардарын умуруорууга уопсайа 646 киһи, 15 тиэхиньикэ тардыллыбыт. Уот турбутун авиамониторинг көмөтүнэн быһаарарга 18 салгын суудуната, ууту умуруорууга 5 Ми-8 бөртөлүөт сылдьар.

Ойуур баһаара быйыл 262 сиргэ бэлиэтэнэн турар. 50 061,2 гектар иэннээх сиринэн тайаан сытар (Тэҥнээн көрүүгэ: былырыын дьыл баччатыгар 154 ойуур баһаара 53 985,75 гектарынан тайаабыта), диэн Ыксаллаах быһыыга-майгыга министиэристибэ иһитиннэрэр.