Бүгүн Ярыгин турнира саҕаланар!

Бүгүн, тохсунньу 29 күнүгэр, тустууну таптааччылар өйдүүн-санаалыын Красноярскайга «көһөбүт». «Иван Ярыгин кубогар» бэҕэһээ Саха сириттэн бүтүн сөмөлүөт ыалдьааччы көтөн тиийбит.

Дьокуускай бириэмэтинэн 13.00 чаастан барыллаан киирсиилэр саҕаланыахтара. Киэһэ 19.00 чаастан полуфинал хапсыһыыларын көрүөхпүт.

Бүгүн көбүөргэ тахсыахтара: Лев Павлов, Федор Постников, Артем Слепцов, Любомир Ашеин, Кэскил Семенов, Алексей Копылов, Арыйаан Тютрин (Беларусь Өрөспүүбүлүкэтэ), Айаал Белолюбскай (Таджикистан Өрөспүүбүлүкэтэ) – 57 кг;  Александр Авелов, Виктор Яковлев, Яков Павлов, Петр Константинов, Манчаары Ильинов, Николай Щеглов – 61 кг; Константин Капрынов, Игорь Матвеев, Айсен Потапов уонна Виктор Рассадин (Таджикистан Өрөспүүбүлүкэтэ) – 70 кг. Дьахталлар: Александра Копылова, Севиль Назарова, Надежда Галдина (50, 55, 65 кг).

Бүгүҥҥү бырагыраама*:

13:00. Дьахталлар (50, 55, 59, 65 кг диэри). Барыллаан киирсиилэр.

Эр дьон (57, 61, 70 кг диэри). Барыллаан киирсиилэр.

19:00. Дьахталлар (50, 55, 59, 65 кг диэри). Полуфинал киирсиилэрэ.

Эр дьон (57, 61, 70 кг диэри). Полуфинал киирсиилэрэ.

Красноярскайтан быһа биэриилэри «Мамонт» уонна  «Саха» НКИХ ханаалларыгар, «Тэтим» араадьыйа долгунугар уонна «Кыах» ВКонтакте бөлөҕөр уонна ТГ-ханаалыгар көрүөххэ-истиэххэ сөп. 

Спортсменнарбытыгар ситиһиилэри баҕарабыт!

*Толору бырагыраама: https://kiinkuorat.ru/articles/ivan-yarygin-kubogyn-byyylgy-byragyraamata

Хаартыска: «Спорт Якутии»