Бүгүн салайар былаас олохтоохтору кытта көрсөр күнэ
Бүгүн, бэс ыйын 24 күнүгэр, өрөспүүбүлүкэ бүттүүнүн үрдүнэн олохтоох былаас гражданнары кытта араас суол боппуруоска көрсөр (приемнуур). Олохтоох бириэмэнэн күнүс 10.00 чаастан саҕаланан баран киэһэ 18.00 чааска диэри ыытыллыа. Бу күнү тутуу баттаһа Саха сирин олохтоохторо сэргиир, долгуйар ыйытыыларын, этиилэрин тус бэйэлэрэ салалталарыгар тиийэн, сирэй көрсөн, атах тэпсэн олорон биэриэхтэрин сөп. Ол эбэтэр эһигини күүтэллэр:
- СӨ судаарыстыбаннай былаас толоруулаах уорганнара;
- СӨ муниципальнай оройуоннарын уонна куораттааҕы уокуруктарын олохтоох салайыныыга уорганнара;
- СӨ куорат уонна тыа сирин поселениеларыгар баар олохтоох салайыныы уорганнара.
Приемҥа ким хаһан кэлбитинэн уочараттаан киирэр.
Өскөтүн гражданин ыйытыгар дуоһунастаах сирэй кыайан эппиэттэспэт, ол эбэтэр атын уорган боломуочуйатыгар киирэр боппуруос буоллаҕына, кини оннук боломуочуйалаах уоргаҥҥа видео-, аудио- уонна да атын сибээс көрүҥүнэн ыйыталаһарын хааччыйар эбээһинэстээх.
Кэлэргитигэр пааспардаах биитэр ким буоларгытын кэрэһилиир официальнай докумуоннаах буолуохтааххытын умнумаҥ.
Сонуннар
Ордук ааҕаллар
