Бүгүн дьүүлдьүт андаҕарын сахалыы истиэхпит

«Саха сирин Олимпиадатынан» биллэр «Манчаары оонньууларын» тэрээһинин тыла-өһө сахалыы буолуохтаах диэн санаалаахтар Тааттаҕа буолбут төгүрүк остуол кыттыылаахтара.
Онон бүгүн киэһэ тэрээһин үөрүүлээх аһыллыытыгар этиллэр дьүүлдьүт андаҕара (кылаабынай судьуйа) аан бастаан сахалыы дуорайыаҕа.
«Дьулурҕан» спорт хаһыата суруйарынан, спорт терминнэрин сахатытыыга туһуламмыт биллиилээх спортивнай суруналыыс, уопсастыбанньык Владислав Коротов салайааччылаах төгүрүк остуолга СӨ Бырабыыталыстыбатын бэрэссэдээтэлин солбуйааччы Сергей Местников, СӨ физическэй култуураҕа уонна спорка миниистирэ Леонид Спиридонов, Амма улууһун баһылыга Айаал Бурцев, Манчаары аатынан «Модун» өрөспүүбүлүкэтээҕи киин салайааччыта Геннадий Васильев, «Саха» НКИХ биэриилэрин сүрүннээччи Олег Колесов кыттыыны ылбыттар. 
Бэлиэтээн эттэххэ, инникитин күрэс (спорт терминнэрин) сахалыы тылдьытын оҥорон таһаарыы соруга турар эбит. Сахатытыллыбыт тиэрминнэр холобурдара:
Абсолютный чемпион – Муҥутуур кыайыылаах
Агрессивное поведение – Суостаах быһыы
Бег с барьерами (барьерный бег) – Харгыстаах сүүрүү
Бег трусцой – Бэдьэйэн сүүрүү
Волонтер – Үтүө көмөһүт
Волонтерство – Үтүө көмө
Главный секретарь – Бас суруксут
Главный судья – Бас судьуйа
Женский вид спорта – Дьахтар күрэһин көрүҥэ
Жеребьевка – Сэрэбиэй
Интервал – Икки арда
Испытание – Тургутуу
Итог – Түмүк
Кандидат в мастера спорта – Күрэс маастарыгар хандьыдаат
Контратака – Утары кимии
Результат – Түмүк/көрдөрүү
Рекорд – Чыпчаал ситиһии (көрдөрүү)
Прием – Албас
Прогиб – Кэдэрийэн быраҕыы
Промокашка (одиночный Нельсон) – Суулуу түөрэ тутуу
Протест – Утарыы (бырачыас)
Проход в ноги – Атахха киирии
Рычаг – Төһүү, төһүүлээһин
Сбивание в партер – Умса тардыы
Сбивание ударом руки в подколенный сгиб – Түргэннээһин
Скрестный захват голеней – Кыаһылааһын
Стойка – Туруу
Счет – Ахсаан
Техническая победа – Быһа кыайыы
Туше – Ыраас кыайыы
Угол (красный, синий) – Муннук (күөх, кыһыл)

Хаартыска: dzulurgan.ru