Бүгүн биэнсийэлээхтэр юрист сүбэтин босхо ылыахтарын сөп

Бүгүн, алтынньы 1 күнүгэр, биэнсийэлээх уонна биэнсийэ иннинээҕи саастаах дьон чэпчэтиилээх категорияны бигэргэппэккэ эрэ босхо юридическай сүбэни-аманы ылар кыахтаахтар. Консультациялар гражданскай быраап киэҥ эйгэтин хабыахтара. Приемҥа талон ылан, уочаратынан киириэххэ сөп.

Тэрээһин сарсыарда 09:00 чаастан 17:00 чааска диэри ыытыллыаҕа. Буолар сирэ: Аммосов уул., 18, 48 уонна 49 №-дээх түннүктэр.

Кииҥҥэ чопчулаабыттарынан, аахсыйа биирдэ эрэ ыытыллар. Атын күннэргэ босхо юридическай көмөнү ыларга чэпчэтиилээх категориялаах буолууну (инбэлиит, элбэх оҕолоох дьиэ кэргэн, АБДь кыттыылааҕын дьиэ кэргэнин чилиэнэ уо.д.а.) бигэргэтиэххэ наада.