Айылҕаны, ууну киртитэр табыллыбат!

Куорат Эргиир суолуттан (Объездное шоссе) чугас сытар, аата суох уулаах сир уонна ол аттынааҕы учаастак тутуу бөҕүнэн-сыыһынан туолан, бөрүкүтэ суох көстүү буолбут. Өрөспүүбүлүкэ борокуратууратын сорудаҕынан Дьокуускайдааҕы айылҕа харыстабылыгар борокуратуура бу сиргэ сыһыаннаан, уу эбийиэктэрин харыстыыр сокуон тутуһуллуутун бэрэбиэркэлээтэ. Бөҕүнэн туолбут сир иэнэ 385 кв.м буолара быһаарылынна.

Айылҕа харыстабылын борокуратуурата ыыппыт бэрэбиэркэтин түмүгүнэн СӨ Экология, айылҕаны туһаныы уонна ойуур хаһаайыстыбатын министиэристибэтигэр уулаах сирдэргэ эрэгийиэннээҕи судаарыстыбаннай экология хонтуруола ситэ оҥоһуллубатын туһунан иһитиннэриини (представление) киллэрдэ. 

Туһааннаах сир учаастагын бас билээччи Борокуратуура толорбут аактатыгар этиллибити толорон, РФ КоАП 7.6 ыст., 8.13 ыст 4 ч., 8.42 ыст. 1 ч. олоҕуран, административнай эппиэтинэскэ тардылынна. Көрүллүбүт ыстараабы төлөөтө.  Буруйдаах учаастагын бөхтөн толору ыраастаата. Тулалыыр эйгэҕэ аҕалбыт бу хоромньута 350,5 тыһ. солк. быһаарыллыбытын төлөөтө. Учаастагын уу харыстанар балаһатыттан иһирдьэ киллэрэн биэрдэ.