Айсен Николаев «Звезднай» түөлбэҕэ арыллыбыт хаҥкылыыр комплексынан Владимир Путин эҕэрдэтин тиэртэ

«Якутия вперед!» тэлэбиидэнньэнэн быһа эпииргэ Ил Дархан Айсен Николаев олунньу ыйга өрөспүүбүлүкэҕэ икки улахан култуура дьиэтэ үлэҕэ киирээри турарын иһитиннэрдэ – Үөһээ Бүлүү Харбалааҕар И.Н. Барахов аатынан Култуура киинэ уонна Амма улууһун Алтан сэлиэнньэтигэр Култуура дьиэтэ.
Айсен Николаев маны сэргэ 2025 сылга Саха сиригэр 59 социальнай эбийиэк, ол иһигэр 12 оскуола, 3 оҕо саада, 6 спорт, 26 доруобуйа харыстабылын уонна 8 култуура эбийиэгэ үлэҕэ киириэхтэрэ диэн кэпсээтэ.
Ил Дархан итини таһынан Дьокуускай саҥа «Звезднай» түөлбэтигэр арыллыбыт сабыылаах катогунан дойду баһылыга Владимир Путин Саха сирин оҕолорун барыларын эҕэрдэлээбитин тиэртэ, диэн иһитиннэрэр Ил Дархан уонна Бырабыыталыстыба пресс-сулууспата. Санатар буоллахха, Дьокуускай куорат саҥа 10 №-дээх Оҕо спорт оскуолата буолбут «Звезднай» сабыылаах катога «Демография» национальнай бырайыак «Спорт – олох нуормата» бырагырааматынан 2023 сааһыттан тутуллан олоххо киирдэ. 5 тыһ. кв миэтирэттэн тахса иэннээх комплекска 840 оҕо спорт хоккей, фигурнай хаҥкылааһын, шорт-трек, керлинг курдук сонун көрүҥнэри таһынан, үгэс буолбут футболунан, волейболунан, көҥүл тустуунан, боксанан дьарыктаныаҕа, 
Катокка симиэнэҕэ 50 киһи хаҥкылыан сөп, 210 көрөөччү миэстэлээх.

Хаартыска: Андрей Сорокин, СИА