Айхал Габышев дьыалатын суукка ыыппыттар

“Саха сирин тутааччылара” СРО генеральнай дириэктэринэн үлэлээбит уонна өрөспүүбүлүкэ аҕаларын сойууһун («Лига отцов Республики Саха (Якутия)» салайбыт Айхал Габышевка улахан суумалаах харчыны сиэн, дьыала тэриллэн, тутуллубут диэн буолбута. Оттон бу соторутааҕыта кини 110 мөл. солк. тахса суумалаах хоромньуну таһаарбыт диэн буруйдуур түмүк тахсан, суут көрүүтүгэр ыытыллыбыт.
Силиэстийэ көрдөрбүтүнэн, кини 2022 сыл ахсынньытыгар ассоциация кэллиэгийэтин сэбиэтигэр биллэрбэккэ эрэ үлэһиттэригэр тэрилтэ счетуттан 50 мөл солкуобайы бииргэ төрөөбүт быраатын «Адгезия» диэн тутуу тэрилтэтин расчетнай счетугар ыытарга дьаһайбыт.
Өр-өтөр буолбатах, 2023 сыл тохсунньутугар ол кэнниттэн өссө алтынньы ыйга эмиэ ити курдук дьаһайан, 40 уонна 20 мөл. солкуобайы ыыттарбыт.