Авиалесоохрана: Дьокуускайга ураты баһаарынай эрэсиим киирдэ

Эрэсиими олохтооһун кэмигэр тыаҕа, ойуурга тырааныспар киириитэ бобуллар, ойуур хаһаайыстыбатын үлэтигэр уонна баһаары умуруорууга туһаныллар тиэхиньикэттэн ураты. Маны тэҥэ, нэһилиэнньэ тыаҕа сылдьыыта хааччахтанар, ол иһигэр тыа хаһаайыстыбатыгар туһаныллар, саппаас уонна нэһилиэнньэлээх пууннар сирдэригэр.

Аһаҕас уотунан астаныыга мангаллары уонна ас буһарар атын тэриллэри туһаныы бобуллар. Уоттан сэрэхтээх буолуу быраабылатын кытаанахтык тутуһар түгэҥҥэ, уопсастыбаннай аһылык эбийиэктэригэр уонна анал көҥүллэммит сирдэргэ чохтоох мангаллары туттуу көҥүллэнэр.

Эрэсиим кэмигэр нэһилиэнньэни кытта сэрэтэр-өйдөтөр үлэ күүһүрдүллэр, патрульнай уонна патрульнай-маневреннай бөлөхтөр эриэйдэлэрэ тэриллэр. Олохтоох дьаһалталарга ыытыллыбыт тэрээһиннэр туһунан нэдиэлэ аайы отчуоттуулларыгар сорудахтанна.