Атырдьах ыйын 1 күнүттэн 97 тыһыынчаттан тахса биэнсийэлээххэ эбии ааҕыы оҥоһуллуо

Биэнсийэ кээмэйин хаттаан ааҕыы 2025 сылга үлэлээбит уонна страховой усунуоһу төлөөбүт биэнсийээхтэргэ оҥоһуллуо.

Оттон үрдээһин төһө буолара хас биирдии киһиэхэ туһунан ааҕыллар уонна ол кээмэйэ страховой усунуостан тутулуктаах. Быһата, үрдүк хамнастаах эбии ааҕыыта үрдүк буолар. Ол эрээри эбии ааҕыы кээмэйэ биэнсийэлээх сынньалаҥҥа тахсыбыт сылын коэффициенынан хааччахтанар.

Эбии ааҕыы атырдьах ыйын 1 күнүттэн иитэр киһини сүтэрии иһин ананар биэнсийэҕэ эмиэ оҥоһуллар, өскөтүн өлбүт төрөппүт тус счетугар төлөбүр ааҕыллар кэмигэр учуоттамматах страховой усунуос киирбит түгэнигэр.

Оттон үлэлээбэт биэнсийэлээхтэргэ уонна социальнай, судаарыстыбаннай биэнсийэни ылааччыларга атырдьах ыйын 1 күнүттэн перерасчет оҥоһуллубат.

Маны сэргэ мунньуллар биэнсийэ 17,3%, биэнсийэ болдьохтоох төлөбүрэ 19,3% үрдүүллэрэ күүтүллэр.
Сиһилии өрөспүүбүлүкэ олохтоохторо 8 (800) 100-00-01 босхо нүөмэринэн билсиэхтэрин сөп, диэн Ил Дархан уонна Бырабыыталыстыба пресс-сулууспата иһитиннэрэр.