Аспирантураҕа туттарсыыга – уларыйыы

Чопчута, билим уонна билим- педагогика каадырдарын бэлэмниир бырагыраамалар аспирантураларыгар туттарсыы бэрээдэгэ бу бэс ыйын 1 күнүттэн уларыйар.
✅Ол сүрүннээн докумуону электроннай көрүҥүнэн туттарыыга уонна туттарсааччы тус ситиһиилэрин  учуотугар, ону тэҥэ тус сыаллаах  ( целевой) квота иһинэн миэстэлэргэ сыһыаннаах.
✅Быйылгыттан докумуоннапы туттарар туһунан электроннай сайабылыанньаны булгуччу Судаарыстыбаннай өҥө порталын нөҥүө туттарыахха сөп буолар.
📍Арай ити уларыйыы Арассыыйа уонна тас дойду кыттыгас көрүүтүгэр баар судаарыстыбалар икки ардыларынааҕы үрдүк үөрэх тэрилтэтин аспирантуратыгар туттарсар түгэҥҥэ дьайбат. Итинник унивөрситеттар бэйэлэрин электроннай информационнай тиһиктэригэр да докумуоннары тутар кыахтаахтар.
✅Судаарыстыбаннай өҥө порталын нөҥүө туттарааччыга уникальнай код сыһыарыллар. Оттон судаарысыбалар икки ардыларынааҕы үрдүк үөрэх кыһатыгар туттарааччыларга  итинник куоду үөрэх кыһата бэйэтэ сыһыарыан сөп.
✅Сайабылыанньатын ыытан баран,  абитуриент онтугар уларытыыны киллэриэн сөп.  Онуоха  икки чаас иһигэр бииртэн элбэхтэ улапытыллыбат.  Ол иһигэр куонкурустаһар группатын, туттарсар үөрэхтэриттэн ханныгы инники күөҥҥэ туруорарын (приоритет) уларытар кыахтаах. Ону таһынан санаата уларыйдаҕына  докумуоннарын   төттөрү ылыан сөп.