Арыгыттан аккаастаныы нэдиэлэтэ

Арыгыттан аккаастаныы нэдиэлэтэ чөл олох суолугар үктэнэргэ, олоҕу саҥаттан саҕалыырга саамай табыгастаах кэм. Аан дойдутааҕы доруобуйа харыстабылын тэрилтэтэ дакаастаабытынан, арыгы доруобуйаҕа буортута суох дозата диэн суох.

Арыгы – киһи толкуйдуур дьоҕуругар, уйулҕатыгар, мэйиитигэр быһаччы дьайар, дьаллыктан тутулуктаах буолууну үөскэтэр буортулаах эттиктэртэн турар. Арыгылааһын дьон өлүүтүн саамай сүрүн биричиинэтэ.

Арыгы киһи араас уорганнарын үлэтин алдьатар. Бастакы уочарат энчирииллэр:

• Мэйии;
• Ньиэрбинэй систиэмэ;
• Сүрэх уонна тымыр;
• Быар;
• Ис, оһоҕос;
• Ноор;
• Тирии;
• Иммунитет.

Арыгыны кыра да кэмҥэ истэххэ үгүс уорганнар үлэлэрэ кэһиллэр. Уһуннук иһэр дьоҥҥо араас ыарыылар олохсуйаллар.

Арыгы туһунан тугу билиэххэ нааданый?

— арыгы 200-чэкэ ыарыы уонна эт-сиин туругун төрдө;

—  мэйии, сүрэх, быар, тымыр, ньиэрбэ систиэмэтин, о.д.а. уорганнар үлэлэригэр алдьатыылаахтык дьайар;

— искэн, сүрэх, быар ыарыыларынан ыалдьыы аргыһа. 

— Санаа түһүүтүн, чуҥкуйууну утары охсуһар ньыма буолбатах.

Арыгыттан аккаастаныы – чэгиэн олоххо бастакы хардыы.