Арыгыны утары кытаанахтык ылсаллар

Барыта аҕыс тэрилтэ бэрэбиэркэлэннэ, сокуоннай саастарын ситэ илик оҕолорго арыгы атыылааһын үс түбэлтэтэ уонна биир көҥүлэ суох атыылааһын булулунна. Уопсайа 118 лиитэрэ арыгы былдьаммыт.

“Нэдиэлэ анараа өттүгэр ыытыллыбыт эриэйдэ эмиэ оҕолорго арыгы атыылааһынын  быһаарбыта. Куорат сорох түүҥҥү кулууптарыгар маннык кэһиилэр мэлдьи буолаллар. Кинилэр хаһаайыттара, барыһы ылар туһугар, оҕолору арыгылатартан кыбыстыбаттар!” – диэн Евгений Григорьев бэлиэтээтэ.

Эриэйдэ кэмигэр уулуссалартан уонна уопсастыбаннай миэстэлэртэн, ол иһигэр сылаас  тохтобуллартан уопсайа 164 киһини полиция учаастактарыгар илдьибиттэр. 35 итирик суоппар тутуллубут, олортон сэттэтэ уруулга хаттаан олорбут. Кинилэри холуобунай эппиэтинэс күүтэр.

Нэдиэлэ устата Евгений Григорьев “ВКонтакте” страницатыгар (18+) “арыгы атыылыыр точкаҕа” үс үҥсүү киирбит.