Арыгыны көҥүлэ суох атыылааһын тохтообот

Маны сэргэ 23 суоппар уруулга итирик туруктаах олорбута, ол иһигэр 3 киһи бу буруйу иккистээн хатылаабыта бэлиэтэммит.

Дьокуускай куорат Административнай хамыыһыйата манна сыһыаннаан 15 боротокуолу толорбут.

Дьокуускай куорат баһылыга Евгений Григорьев бэйэтин тг-ханаалыгар суруйарынан, ВКонтакте тус сирэйигэр ааспыт нэдиэлэҕэ 4 иһитиннэрии, оттон балаҕан ыйыттан уопсайа 127 үҥсүү киирбит.

Санатар буоллахха, итирдэр утахтары сокуоннайа суох атыылааччы РФ ХК 171.4 ыст. холуобунай эбэтэр  РФ КоАП 14.17.1 ыст. административнай эппиэтинэскэ тардыллар. Буруйу хатылааһын иһин эппиэтинэс өссө кытаатар.

Куорат баһылыга Евгений Григорьев бу күһүн «арыгыны сокуоннайа суох атыылааһын түбэлтэтин ВКонтакте социальнай ситимҥэ баар тус страницабар суруйан биллэриҥ» диэн ыҥырыы таһаарбыта. Онно суруйаргытыгар арыгы сокуоннайа суох атыыланар миэстэтин, аадырыһын, маҕаһыын, сымыйа кафе аатын, эбэтэр бутлегер массыынатын нүөмэрин ыйар наадатын бэлиэтээбитэ. Ону хаартыска, видео көмөтүнэн бигэргэтэр ордугун, чопчу чахчылардаах иһитиннэрии полицияҕа тутатына тириэрдиллэрин мэктиэлээбитэ. Онон, быраабы араҥаччылыыр уорганнарга үҥсүү-харсыы түһэрэртэн толлор, ол эрээри арыгы сокуоннайа суох көҥүл атыыланарыттан мунчаарар дьон куорат баһылыгар ВКонтакте суруйуоххутун сөп https://vk.com/wall710173374_13407.