Артем Дьяконов кыбартыыра дуогабарын баттаста

44 кв миэтэрэ иэннээх биир хостоох кыбартыыра Бүлүүлүүр суол 4 км тутуллар «Город в парке» комплекс дьиэлэриттэн биирдэстэригэр 15-с мэндиэмэҥҥэ баар. Кыбартыыра бүгүҥҥү сыаната 7 мөлүйүөн 600 тыһ. солк. тиийэн турар. Олорор комплекска бэйэтигэр оскуола, оҕо саада баар буолуохтара.

Тэрээһиҥҥэ Олохтоох дьаһалта физическэй култуураҕа уонна спорка управлениетын начаалынньыга Эдуард Ефимов кыттыыны ылла.

Артем Дьяконов күрэхтэһиини тэрийээччилэргэ, спонсордарга, тус тренерэ Николай Ивановка уонна кыайыыны ситиһэригэр күүс-көмө буолбут бары бар дьонугар махталын тиэртэ.