Арассыыйа Сэбилэниилээх күүстэрин штатын элбэтэллэр

Ол курдук, Арассыыйа Сэбилэниилээх күүстэрин штатнай ахсаанын чопчута 2 441 630 киһиэхэ тиэрдэр буолбуттар. Ити иһиттэн байыаннай сулууспалааҕа 1 550 500 буолуоҕа. Бу туһунан В. Путин бу балаҕан ыйын 28 күнүгэр илии баттаабыт ыйааҕар этиллэр. Оттон 2026 сыл тохсунньу 1 күнүнээҕи туругунан, официальнай иһитиннэриигэ олоҕурар буоллахха, Сэбилэниилээх күүстэр штаттара уопсайа 2 389 130 эбит, итинтэн байыаннай сулууспалааҕа — 1 500 000 этэ. Итинтэн ордуга 889 130 киһитэ гражданскай персонал буолаллара суруллубута.

✅Оттон от ыйын 27 күнүгэр, Сэбилэниилээх күүстэр ахсааннара 2 426 130 тиийэрин, ол иһигэр байыаннай сулууспалаах ахсаанын 1 535 000 тиэрдэллэрин туһунан ыйаах тахсыбыта.

Уопсайынан, бу сылга үктэниэхтэн Сэбилэниилээх күүстэр штаттара түһүмэҕинэн сыыйа улаатан испит. Чопчулаан эттэххэ, от ыйыттан саҕалаан, балаҕан ыйыгар 2 426 130 киһи буолбут. Итинтэн байыаннай сулууспалааҕа — 535 000. Бу сыл бэс ыйыттан от ыйыгар диэри кэмҥэ 2 399 130 буолбут (о. и байыаннайа — 1 510 000). Кулун тутартан бэс ыйыгар диэри — 2 391 770 штат баарыттан байыаннайа ол кэмҥэ 1 502 640 буолбут.

Билиҥҥи чахчынан , 2026 сыл саҕаланыаҕыттан байыаннай сулууспалаах штата 50 500 -нэн эбиллибит.