Арассыыйа олохтоохторугар искэн утары быһыы биэрэн саҕалыахтара: эмтэнии босхо буолуо диэн эрэннэрэллэр
ОМС бырагырааматын 2026 сылтан ыла кэҥэтэн, рак утары быһыыны киллэрэр былааннаахтар. Бу туһунан Доруобуйа харыстабылын министиэристибэтин уураах бырайыагар этиллэр, федеральнай быраабы араҥаччылыыр аакталарын порталларыгар бэчээттээбиттэр.
Суруйалларынан, рак утары “Онкопент” диэн анал пептиднэй вакцина уонна генетическэй модифицированнай компоненнардаах клеточнай иммунотерапия испииһэккэ киириэхтээх.
Ону тэҥэ докумуоҥҥа ыйылларынан, вакцина бастакы түһүмэҕин биирдэ, иккис түһүмэҕин иккитэ, үһүс түһүмэҕин биэс төгүл оҥоруохтара диэн этиллэр. Бу эмтээһин алта ыйтан ордук ыытыллыаҕа.