Арассыыйа олохтоохторугар булгуччулаах медицинскэй страховка систиэмэтинэн (ОМС) бүөрү босхо көһөрүүнү саҕалаатылар
2026 сылтан Арассыыйаҕа бүөрү босхо көһөрүү ОМС полиһын систиэмэтинэн медицинскэй өҥөлөр испииһэктэригэр киирдэ. Бастакы икки ыйга бу өҥөнү 400-тэн тахса киһи туһанна. Бу туһунан СИА-ҕа Арассыыйа Доруобуйа харыстабылын министиэристибэтин кылаабынай трансплантолога уонна Арассыыйа наукаларын академиятын чилиэнэ Сергей Готье иһитиннэрдэ.
“Бастакы икки ыйга Арассыыйаҕа 709 уорганы көһөрүү оҥоһуллубута, олортон 419-та бүөр көһөрүүтэ, онтон 27-тэ оҕолорго”, — диэтэ Готье. Биир оннук эпэрээссийэ сыаната биир мөлүйүөн солкуобайтан тахсар, билигин судаарыстыба бары ороскуоту бэйэтэ уйунар.
Академик этэринэн, босхо өҥөҕө эпэрээссийэ эрэ буолбакка, эрдэттэн чинчийии, балыыһаҕа сытыы, наада буоллаҕына, трансплантация иннинэ эбии эмтээһин, ону тэҥэ салгыы көрүү уонна эмп-томп киирэллэр. Ыарыһахха бэрээдэк оннунан хаалар: кинилэр направление ылыахтарын уонна анал кииҥҥэ эрийиэхтэрин наада. Быраастарга уонна эрэгийиэннээҕи бырагыраамаларга бу салгыы сайдыыны бэлиэтиир, тоҕо диэтэххэ эпэрээссийэ ахсаана квотанан хааччахтаммат.
Сонуннар
Ордук ааҕаллар
