Арассыыйа былааҕын күнэ

Арассыыйа былааҕын хас биирдии өҥө бэйэтэ туспа суолталаах. Үрүҥ – ыраас санааны, халлаан күөҕэ — чиэһинэй уонна эрэллээх буолууну, кыһыл хорсун, эрдээх санааны итиэннэ Аҕа дойду иһин тохтубут хааны көрдөрөллөр.

Федеральнай сокуон былааҕы уруһуйдуурга хааччахтары туруорбат. Ол курдук, былаах  кыһыл уонна халлаан күөх өҥнөрүн туттарга  ГОСТунан 51130-98 бигэргэммит кырааскалар бааллар.  Pantone, RGB, HTML системаҕа анал дойду былааҕын өҥүн кодтара баара ыйыллар.

Дойду былааҕын күлүү-элэк оҥостуу сокуонунан кытаанахтык бобуллар. Арассыыйа Холуобунай кодексатын 329 ыст. этиллэринэн, биир сылга көҥүлү хааччахтааһыҥҥа тиийэ накаастабылга түбэһиэххэ сөп.

Ардыгар дойду былааҕын өҥүн сыыһа-халты сааһылаан туттуу тахсар. Былаахпыт өҥнөрүн уочаратын соһуччу ыйыттахха,  киһи үксэ мунаахсыйыан сөп. Маныаха биир лайфхак баар эбит: “КГБ” диэн аббревиатураны  алларааттан үөһэ (белый, голубой, красный) санаатахха, былаахпыт өҥүн сөпкө сааһылыыбыт.

СААМАЙ УЛАХАН БЫЛААХТАР

Чечня өрөспүүбүлүкэтигэр 2011 сыллаахха 150 квадратнай миэтэрэ иэннээх былааҕы күөрэппиттэр, флагшток уһуна 70 миэтэрэ буолбут.

Иккис улахан былааҕы 2013 сыллааха Владивосток куоракка баар баараҕай муостаҕа 30 тыһыынча олохтоох дьон маҕан, халлаан күөҕэ, кыһыл кыра былаахтары тутан 707 миэтэрэҕэ тиийэ тэниппиттэр. Бу флешмоб Гиннес рекордун кинигэтигэр киирбитэ.