Арассыыйа былааҕын күнүн толору бырагыраамата

Өрө күүрүүлээх тэрээһиннэр Дьокуускайга, ону тэҥинэн бары улуустарга буолуохтара. Дьокуускай киин болуоссаттарыгар “Арассыыйа триколора” аахсыйа ыытыллыаҕа. Орджоникидзе, Ленин, Кыайыы уонна Норуоттар доҕордоһууларын болуоссаттарыгар триколор-лиэнтэлэри уонна флажоктары түҥэтиэхтэрэ.

Атырдьах ыйын 22 күнүгэр “Биир былаах анныгар” аахсыйа Чочур Мырааҥҥа тэриллиэҕэ. Саха сирин араас омуктарын бэрэстэбиитэллэрэ 35х23 миэтэрэ иэннээх Арассыыйа былааҕын тардыахтара.

Орджоникидзе болуоссатыгар эҕэрдэ кэнсиэр буолуоҕа. 14 саастарын туолбут оҕолорго үөрүүлээх быһыыга-майгыга пааспар туттарыахтара. “Арассыыйа символлара” викторина ыытыллыаҕа, “Арассыыйа былааҕын уруһуйдуубут” айар мастарыскыай үлэлиэҕэ.

“Патриот” ыччат киинигэр атырдьах ыйын 22 күнүгэр “Соберем ребенка в школу” Анал байыаннай дьайыыгы сылдьар төрөппүттэрдээх оҕолорго анаммыт аһымал аахсыйа ыытыллыаҕа. Оҕолорго “Арассыыйа символлара” маастар-кылаастар тэриллиэхтэрэ.

Саха сиригэр бастакытын страйкбол күрэхтэһиитэ буолуоҕа. “Патриот” ыччат киинигэр сарсыардаттан ырытыһыы былаһаакката, страйкбол историятын билиһиннэрэр кэпсэтии, АБДь кэмигэр страйкбол уопутун уонна тактическай медицина туһунан аһаҕас кэпсэтии тэриллиэҕэ. Күн иккис аҥаарыгар Култуура уонна сынньалаҥ пааркатыгар пневматическай саанан ытыыга маастар-кылаастар уонна күрэхтэһии буолуоҕа.

Атырдьах ыйын 20-22 күннэригэр “Хас биирдии дьиэҕэ – Арассыыйа былааҕа” диэн аахсыйаҕа кыттыһарга ыҥыраллар. Олохтоохтор түннүктэрин Арассыыйа былааҕынан, былаахха сыһыаннаах уруһуйдарынан киэргэтиэхтэрин, социальнай ситимнэргэ видео, хаартыска таһаарыахтарын сөп.

Бырааһынньыктааҕы тэрээһиннэргэ бары улуустар көхтөөхтүк кыттыахтара. Үөһээ Халымаҕа “Цвета России” флэшмоб уонна кинигэ быыстапката ыытыллара былааннанар. Хаҥаласка атырдьах ыйын 21-22 күннэригэр “Хас биирдии дьиэҕэ – Арассыыйа былааҕа” аахсыйа, Покровскайга “Триколор” бэстибээл уонна айар үлэ быыстапката тэриллиэҕэ. Үөһээ Бүлүүлэр Арассыыйа былааҕын күнүгэр Сэбиэскэй буойуҥҥа анаммыт пааматынньык сирин-уотун тупсарыахтара, триколор-лиэнтэлэри түҥэтиэхтэрэ.

Олохтоох дьаһалта бырааһынньык бырагырааматын таһаарда:

10.30-14.00 — Национальнай-култуурунай түмсүүлэргэ «Хомуур-хапсаҕай».

Буолар сирэ: ДЮСШ №3, Ленин пр., 3.

11.00 — Арассыыйа судаарыстыбаннай былааҕын тэнитии.

Буолар сирэ: гора Чочур Мыраан 7 км, 1.

11.00-13.00 — “Кыһыл былаачыйалаах” Бүтүн Арассыыйатааҕы флешмоб. Кэрэ аҥаардар үөрүүлээх быһыыга-майгыга Дьокуускай киин уулуссатынан Орджоникидзе болуоссатыттан Кырдьаҕас куоракка диэри сэлэлии хааман кэлэллэр, Кырдьаҕас куорат былаһааккатыгар үҥкүүлүүллэр, Арассыыйа символларын кытта хаартыскаҕа хатаналлар.

Маршрут: Орджоникидзе болуоссата – Кырдьаҕас куорат.

11.30 — Бэлисипиэтинэн айан.

Буолар сирэ: «Лена» киинэ тыйаатырын парковката — Орджоникидзе болуоссата.

12.00 —«Российский триколор» аахсыйа, флажоктары, лиэнтэлэри түҥэтии.

Буолар сирэ: Орджоникидзе уонна Өрөспүүбүлүкэ болуоссата.

12.00-14.00 — «Флаг в моей судьбе» бырааһынньыктааҕы кэнсиэр. Оҕолорго пааспардары туттарыы. АБДь кыттыылаахтарын наҕараадалааһын. Үҥкүүнэн флешмоб.

Буолар сирэ: Орджоникидзе болуоссата.

12.00-17.00 — «Гордо реет триколор!» оҕолор флешмобтара.

Буолар сирэ: Култуура уонна сынньалаҥ паарката.

14.00-15.00 — «Радужное детство» аниматордар тэрээһиннэрэ.

Буолар сирэ: Култуура уонна сынньалаҥ паарката.

14.00 — «Под флагом Отчизны» — ыччакка аналлаах интерактивнай бырагыраама.

Буолар сирэ: Пригороднай сэл., “Надежда” култуура киинэ.

 14.00 — «Быстрее, выше, дружнее под флагом России» — дьиэ кэргэн спортивнай бырааһынньыга.

Буолар сирэ:  Маҕан сэл., «Ритм» култуура дьиэтэ.

15.00 — «Флаг России — наша гордость” бырааһынньыктааҕы тэрээһин.

Буолар сирэ: Табаҕа сэл., “Искра” кулууп.

15.00-16.00 — «Мы — будущее России!» култуурунай бырагыраама.

Буолар сирэ: Култуура уонна сынньалаҥ паарката.

16.30-18.00 — «Квиз про Россию» интеллектуальнай викторина.

Буолар сирэ: Култуура уонна сынньалаҥ паарката.