Арассыыйаҕа өйөбүл саҥа миэрэтин киллэрээри гыналлар

Кини бырабыыталыстыба бэрэссэдээтэлин солбуйааччы Татьяна Голиковаҕа оҕо көрүүтүгэр көхтөөхтүк кыттар аҕаларга эбии төлөбүрү туруорсар суругу ыытта.

Эр дьоҥҥо иккис уонна салгыы оҕолоро төрөөтөҕүнэ, “дьарыктаах уонна эппиэтинэстээх аҕа буолууга” көҕүлээһин быһыытынан, хас биирдиилэригэр 500 тыһыынча солкуобайы биэрэргэ диэн этиллэр. Чернышов бу кинилэр оҕолорун иитиигэ уонна көрүүгэ-истиигэ өссө көхтөөхтүк кытталларыгар көҕүлүөҕэ дии саныыр.

“Оҕо олоҕун бастакы, саамай уустук сылларыгар оҕону көрүүгэ-истиигэ кыттыгастааҕын бигэргэппит буоллаҕына, аҕа аатыгар 500 тыһыынча солкуобай суумалаах эбии харчылаах сайабылыанньаны биэрэр кыаҕы көрөргө”, — диэн Чернышов этиитин ТАСС иһитиннэрдэ.

Төлөбүрү ыларга сүрүн ирдэбил – оҕону көрөн олорорго уоппуска ылыы. Бу аҕа оҕону иитиигэ көхтөөхтүк кыттыбытын туһунан официальнай бигэргэтии буолуоҕа. Бу иһитиннэрии Социальнай пуондаҕа хараллан сытыа.

Көҕүлээһин билигин этии эрэ буолар уонна салгыы ырытыыны эрэйэр.