Арассыыйаҕа VPN-ы толору бобор кыаллыбат

Ону Арассыыйаҕа Киһи быраабын уонна гражданскай уопсастыбаны сайыннарыы сэбиэтин бэрэссэдээтэлэ Валерий Фадеев бэлиэтиир.

Кини этэринэн, VPN-ы хонтуруоллааһын — уустук сорук. Кини санаатынан, VPN-ы барытын араардахха, интэриниэт ситимэ алдьаныан сөп.

Фадеев бэлиэтииринэн, VPN-ы хампаанньалар, бааннар уонна программистар туһаналлар, тоҕо диэтэххэ, бу дааннайдары харыстыырга эрэллээх ньыма. Ол гынан баран, дьон үгүс өттө маннык сервистэргэ Арассыыйаҕа бобуллубут эбэтэр хааччахтаммыт иһитиннэрэр источниктары ылаары киирэр.

Кини Арассыыйа сорох гражданнара VPN эрэ нөҥүө ылыллар информацияны көрөллөрүгэр. ааҕалларыгар сорох медиалар өстөөххө үлэлииллэрин өйдүөхтэрин наада, бу альтернатива буолбатах, диэн бэлиэтээтэ.

Кини ону тэҥэ бу ресурсалар сорохторо национальнай куттал суох буолуутугар суоһуохтарын сөбүн туһунан этэр уонна гражданнары VPN туһанарга сэрэхтээх буоларга ыҥырар.