Арассыыйаҕа уруу тэрээһинигэр нолуок көҕүрэтиитин киллэрэргэ эттилэр

Көҕүрэтиини икки киһиэхэ 400 тыһыынча солкуобайтан элбэҕэ суох, дьиҥнээх ороскуот сууматынан, биирдэ эрэ, ыал буолуу регистрациятын кытта сибээстээн, олохтуурга этиллэр. Ороскуоттар докумуоннарынан бигэргэтиллиэхтээхтэр уонна үп уонна үлэ министиэристибэлэрэ бигэргэппит испииһэктэригэр киириэхтээхтэр. РИА Сонуннара суруйарынан, сокуон барылын бырабыыталыстыбаҕа ыыттылар.

Көҕүрэтии (вычет) сууматыттан үлэни биэрээччи, бүддьүөт, ийэ хапытаала эбэтэр судаарыстыба өйөбүлүн атын миэрэлэрэ төлөөбүт ороскуоттара, ону тэҥэ арыгы, табах уонна никотиннаах бородууксуйа ороскуоттара таһаарыллыахтара. Көҕүрэтиини нолуок кэннинээҕи кэм бүппүтүн кэннэ, эбэтэр нолуок уорганынан быраап бигэргэтиллибитин кэннэ үлэни биэрээччи нөҥүө болдьоҕун иннинэ ылыахха сөп.