«Анкл Бэнс» салаат

Бүгүн биһиги «Анкл Бенс» диэн ааттаах саамай минньигэс уонна иҥэмтэлээх сокууска ырысыабын үллэстэбит.

Эһиэхэ наада:

Кабачок – 2 кг;

Кыһыл помидор – 1 кг;

Эриэппэ луук  – 10 уст.;

Минньигэс биэрэс – 5 уст.;

1 л уу;

1 ыст. мас арыыта;

1 ыст. саахар;

1 ыст. томат паастата;

1 ост. ньуоска 70 %-наах уксуус.

Ууну, арыыны, томат паастатын, саахары холбоон, оргуйуор диэри буһарабыт. Оргуйбутун кэннэ уотун намыратан, кубиктыы быһыллыбыт луугу кутабыт. Биэс мүнүүтэ буһарабыт. Салгыы помидордары кутабыт, эмиэ биэс мүнүүтэ туруорабыт. Онтон кубиктыы кырбаммыт биэрэһи кутабыт, онтон кабачоктары эбэбит, өссө 15 мүнүүтэ буһара уурабыт. Туус, уксуус кутабыт уонна эмиэ биэс мүнүүтэ буһарабыт. Стерилизацияламмыт бааҥкаларга кутан, сөрүүн сиргэ сойута уурабыт.