Анатолий Гаврилович Старостин — Сиэн Кынат быыстапката

Анатолий Гаврилович Дьокуускай художественнай училищетын выпускнига, Горькай аатынан литературнай институту бүтэрбитэ. Бастакы хоһоонноро 1961 сыллаахха бэчээттэммиттэрэ. Хоһооннорун бастакы хомуурунньуга «Аал уоппар итэҕэлим» 1973 сыллаахха тахсыбыта. 1979 сыллааха Ойуунскай аатынан литературнай музейга үлэлии киирэр.
Бу музейга Анатолий Гаврильевич аҕыс сыл үлэлээбит, ол кэмигэр суруйааччылары кытта алтыспыт, элбэх дьоро киэһэлэри тэрийбит суруктара уонна хаартыскалара, библиографията, ырыа буолбут хоһоонноро ууруллуннулар, ону кытары Семен Петрович Данилов киниэхэ анаан 1974 cуруйбут алгыс тылыттан быһа тардыы киирдэ. Кини таптала, доҕоро Люция Петровна Старостиналыын ыал буолан оҕо-уруу төрөтөн, үс оҕолонон, 7 сиэннээх, биир хос сиэннээх ыал буолан олороллорун көрдөрөр хаартыскалар бааллар.
Быыстапканы Ойуунскай аатынан Литературнай музейга кэлэн көрүҥ, истиҥ, сэргээҥ.