“Анал байыаннай дьайыыга кыттар Саха сирин дьоруой олохтоохторо” куонкурус бастакы түһүмэҕэ саҕаланна.

Кыттыан баҕалаахтартан сайаапканы хомуйуу балаҕан ыйын 16 күнүттэн саҕаламмыт уонна бу дьыл алтынньы 2 күнүнэн түмүктэниэхтээх. Кыттааччылартан төлөбүр ирдэммэт.

Күрэс икки түһүмэхтэн турар. Бастакы, талар түһүмэххэ сайаапкалары уонна портфолиону электроннай көрүҥүнэн  (PDF) туталлар. Куонкурус хамыыһыйата ол матырыйааллары көрөр, уонна кинилэртэн кимнээх түмүктүүр түһүмэххэ (финалга) тахсалларын быһаарар.

Иккис, тутаах түһүмэххэ, талыыны ааспыт кыттааччылар бырайыактарын эскииһин бэлэмнээн, тэрийээччигэ тиксэриэхтээхтэр. Хамыыөыйа үлэлэри көрөн, сыаналаан баран, түмүгү таһаарар Онно кыайыылааҕы кытта икки бириистээх миэстэлээҕи талар.

Бириис пуондата:

1-кы миэстэлэммиккэ –  300 000 солк.;

 2-с миэстэлээххэ –  200 000 солк.;

 3-с миэстэлээххэ  100 000 солк.

Бу харчынан бириэмийэ кыайыылаах тахсыбыттар, РФ Гражданскай кодексын 1285 ыстатыйатыгар олоҕуран,  оҥорбут бырайыактарын тэрийээччи бас билиитигэр биэрэр туһунан дуогабары түһэрсэр түгэннэригэр  төлөнөрүн тоһоҕолоон бэлиэтээбиттэр.

Сайаапканы биэрии усулуобуйата:

Кыайыылаах уонна бириистээх миэстэлэммиттэр тус дааннайдарын туһанарга сөбүлэҥнэрин кытта, куонкуруска кыттар бырайыактарын yakutskcity.ru саайка уонна социальнай ситимнэргэ төлөбүр көрдөөбөккө эрэ таһаарары сөбүлэһэр буолуохтаахтар.

Сайаапканы ыытар, тиксэрэр аадырыс: 677027, Дьокуускай куорат,  Октябрьскай уул, 20/1 дьиэтэ, 115 кэбиниэт. Эрийэр төлөпүөн нүөмэрэ – 300-781. Электроннай почта – dgykt@mail.ru

Туһааннаах куонкурус куорат уокуруктааҕы дьаһалтатын балаҕан ыйын 2 күнүнээҕи 1716р нүөмэрдээх дьаһалыгар олоҕуран, ыытыллар.

Кыайыылаах уонна бириистээх миэстэлээхтэр ааттарын куорат уокуругн официальнай саайтыгар уонна «MAX» социальнай ситимҥэ таһаарыахтара.

Кыттар сайаапканы толорор халыып манна баар: см. приложение 1.

Куонкурус техническэй садаанньалаах балаһыанньатын бу сигэни баттаан билсиҥ: см. приложение 2.