Анал байыаннай дьайыы кыттыылаахтарын кэриэһигэр ыытыллар бэстибээлгэ Татьяна Легантьева кыттыаҕа

Саха сирин делегациятын састаабыгар П,А.Ойуунускай аатынан Саха театр артыыһа Татьяна Легантьева кыттар. Кини кэргэнэ анал байыаннай дьайыы хонуутугар суорума суолламмыта.  Саха кутун туппут тапталлаах артыыспыт Татьяна Легантьева бэстибээлгэ Ольга Киевская "Баллада о матери" айымньытын толоруоҕа – уоттаах сэриини ааспыт ийэ сүрэҕин күүһүн туһунан айымньыны “уус-уран тыл” номинацияҕа ааҕыаҕа.

Маны таһынан, бэстибээлгэ Галина Карташова салайааччылаах “Память воинов СВО” анал байыаннай дьайыы кыттыылаахтарын ийэлэриттэн уонна кэргэттэриттэн турар ансаамбыл кыттар.

Делегация салайааччытынан Светлана Диодорова-Лаврентьева барыста – АБДь кыттыылааҕын ийэтэ, “Сердца солдатских матерей” АНО чилиэнэ, “Страну меняют люди” Национальнай бириэмийэ лауреата, уопсастыбанньык уонна волонтер.

Уһук Илиҥҥэ уопсайа регион ахсаанынан 21 хамаанда тэрилиннэ. Бэстибээлгэ национальнай сувенирдары уонна илиинэн оҥоһуктары көрдөрөр быыстапка-презентация уонна Хоца Намсараев аатынан Бүрээт академическай театрыгар гала-концерт буолар. Кытааччылар түөрт номинациянан: вокал (соло уонна ансаамбыллар), хореография, инструментальнай толоруу уонна уус-уран тыл (поэзия, проза, театральнай миниатюра) күрэстэһэллэр.

Тэрээһин АБДь кыттыылаахтарын өйүүр “Защита Отечества” судаарыстыбаннай пуонда уонна Бурятия өрөспүүбүлүкэтин өйөбүлүнэн ыытыллар.