Анал байыаннай дьайыы кыттыылаахтарыгар уонна кинилэр дьиэ кэргэттэригэр 35 000 суол социальнай-психологическай өҥө оҥоһулунна

Дьиэ кэргэҥҥэ уонна ыччакка социальнай-психологическай өйөбүлү оҥорор киин анал байыаннай дьайыы кыттыылаахтарыгар уонна кинилэр дьиэ кэргэттэрин чилиэннэригэр 35 000 өҥөнү оҥордо. Ол туһунан «Актуальное интервью» тэлэбиидэнньэ биэриитигэр ыччат миниистирин солбуйааччы Надежда Мохначевская иһитиннэрдэ.

Санатар буоллахха, Киин 2022 сыл кулун тутар 1 күнүттэн анал байыаннай дьайыы кыттыылаахтарын уонна кинилэр дьиэ кэргэттэрин чилиэннэрин кытта ыкса ситимнээхтик үлэлиир. Оттон ааспыт сыл ахсынньы 16 күнүгэр дойду баһылыга Владимир Путин көҕүлээһининэн үлэлиир «Үөрэхтээһин» нацбырайыак «Регион для молодых» бырагырааматынан өрөмүөн кэнниттэн арыллыбыта. Биэс этээс тухары психологтар кабинеттара, сенсорнай, тренинг ыытар, коворкинг хосторо, уйулҕа күүрүүтүн устар саалалар – барыта тустаахтарга анал уонна хаачыстыбалаах көмөнү оҥорорго тирэх, диэн иһитиннэрэр Ил Дархан уонна Бырабыыталыстыба пресс-сулууспата.