Анал байыаннай дьайыы кыттыылаахтарын «Саха сирэ – Дьоруойдар дойдулара» бырагыраамаҕа ыҥыраллар

«Саха сирэ – Дьоруойдар дойдулара» өрөспүүбүлүкэтээҕи каадыры бэлэмниир бырагырааманан анал байыаннай дьайыы кыттыылаахтарыттан сайаапкалары ылаллар. 
Бырагыраама сыалынан судаарыстыбаннай салайыыга анал байыаннай дьайыы кыттыылаахтарын кытыннарыы буолар. 
Маныаха кинилэр босхо үөрэниэхтэрин, ол кэннэ судаарыстыбаннай үлэҕэ ыҥырыллыахтарын эбэтэр бэйэлэрин уопуттарын уопсастыбаннай үлэҕэ туһаныахтарын сөп.
Үөрэх Саха Өрөспүүбүлүкэтин Ил Дарханын иһинэн Инновационнай менеджмент үрдүкү оскуолатыгар ыытыллар.
Бырагыраама усулуобуйатынан, үөрэҕи ааһарга Арассыыйа гражданствота, анал байыаннай дьайыыга кыттыы уонна орто анал эбэтэр үрдүк үөрэх, ону кытта салайар уопут ирдэнэр.
Сайаапкалары олунньу 21 күнүттэн кулун тутар 21 күнүгэр диэри якутияземлягероев.рф сайтка туталлар, диэн иһитиннэрэр Олохтоох дьаһалта каадыры салайыыга уонна муниципальнай сулууспаҕа управлениета