Алдан эбэҕэ хара уу кэлиитэ сэрэхэдитэр

Алдан өрүскэ халаан иккис долгуна – хара уу кэлэн, Алдан уонна Уус Майа оройуоннарыгар туһугар уустук балаһыанньаны үөскэппит. Ол туһунан бүгүн сарсыарда өрөспүүбүлүкэ таһымнаах Эпэрэтиибинэй штабка Дмитрий Лепчиков салайааччылаах мунньахха кэпсэппиттэр.

Хата, Томмот куорат туһаайыытынан,  сэрэхтээх кээмэйтэн көҕүрээн, 791 см буолбут. Ол эбэтэр, 4 чаас иһигэр 18 см намтаабыт. Оройуон дьаһалтата биллэрбитинэн, билигин да 4 тиэргэн уулаах турар.

Чагда туһаайыытынан уу эбиллэн, таһыма 21 см үрдээбит. Бу чугас эргин күннэргэ 1650-1750 см тиийиэ да сабаҕалыыллар. 1550 см буолаатын уу таһынан баран, сарсыардааҥҥы туругунан, аҕыс тиэргэн ууга турара.  Үс киһини быстах олорон эрэр дьиэҕэ көһөрбүттэр.

Алдан аллара өттүгэр, Угина –Учур –Усть-Миль – Петропавловскай аттынан уу эбиллэ турар. Кэлэр икки сууккаҕа 1-тэн 2 м тиийэ уу эбиллиэн сөп диэн сабаҕалыыллар.

Ону тэҥэ  сэрэхэдитэй быһыы-майгы Уус Майа Эдьээн бөһүөлэгин туһаайыытынан үөскүөн сөп. Итиннэ сэрэхтээх таһым 1041 см эбит буоллаҕына, сарсыарда бэлиэр1009 см буолбут. Ол эбэтэр, уу таһыма 4 чаас икки ардыгар хайыы үйэ 29 см эбиллибит.