Ахсынньы 1 күнүгэр адвокаттар босхо консультациялары ыытыахтара

Тэрээһин ахсынньы 1-3 күннэригэр ыытыллар Саха сирин юристарын V сийиэһин чэрчитинэн ыытыллыаҕа. 

Адвокаттар консультациялара ахсынньы 1 күнүгэр «Мои документы» офиһыгар (Аммосов уул., 18) күнүс 14:00 чаастан киэһэ 18:00 чааска диэри былааннанар.
Саха сирин юристарын V сийиэһэ өрөспүүбүлүкэ бары муннугуттан 500-тэн тахса дэлэгээти түмүөҕэ, манна судьуйалар, прокурордар, адвокаттар, нотариустар, учуонайдар, судаарстыбаннай, муниципальнай тэрилтэлэр  исписэлииистэрэ мустуохтара.
Сийиэс кыттыылаахтара Саха сиригэр үрдүк үөрэхтээх юристары бэлэмнээһин төрдүгэр турбут, быйыл төрөөбүтэ 105 сааһа бэлиэтэнэр Михаил Михайлович Фёдоров юридическай наукаҕа кылаатын кэпсэтиэхтэрэ. Өрөспүбүлүкэ юристара маны сэргэ быраап хонуутугар билиини, күүһү түмэр сыаллаахтар.