АДПИ туруортарыаҥ – холкутук утуйуоҥ

Дьокуускай куорат Гражданскай оборонаҕа, айылҕа уонна техногеннай ыксаллаах быһыыттан-майгыттан нэһилиэнньэни, сири-уоту харыстааһыҥҥа управлениета, ону тэҥэ баһаартан куттал суох буолуутун хааччыйар управление чааһынай дьиэлэр, коттеджтар, эргиэн павильоннара, хомунаалынай хаһаайыстыба эбийиэктэрэ, гараастар, хаһаайыстыбаннай блоктар уонна да атын тутуулар бас билээччилэригэр автономнай буруону сэрэтэр тэрили (АДПИ) туруоралларыгар сүбэлиир.

Тэрил умайыы бастакы түһүмэҕэр буруону билэр уонна олохтоохторго улахан тыас таһааран, болҕомтолорун тардар. Тыас улаханыттан уонна тохтоло суох тыаһыырыттан утуйа сытар киһини кытта уһугуннарыан сөп.

Туруорарга уонна туһанарга судургу

АДПИ-ны туруорууга баһаарынай сигнализация анал лиинийэлэрин тардыы уонна эбии тэрили туһаныы ирдэммэт. Тэрили үрдүк истиэнэҕэ эбэтэр дьиэ өһүөтүгэр уурар сөп. Өр үлэлиирин туһугар сылга бииртэн итэҕэһэ суох батарейкалары уларытыахха уонна оптика-электроннай датчиктаах камераны пылесоһунан кэмиттэн-кэмигэр салгылатыахха наада.

Бу тэрил анал маҕаһыыннарга атыыланар.

Дьокуускай куорат ГО уонна ЫБМ управлениета олохтоохтору куттал суох буолуутугар эппиэтинэстээхтик сыһыаннаһарга уонна дьиэлэрин, эбийиэктэрин кэмигэр автономнай баһаары сэрэтэр тэриллэринэн хааччыйалларыгар ыҥырар.

«Дьокуускай куорат» куораттааҕы уокурук МКУ «УГОЧСиОПБ» иһитиннэриитинэн.