Абитуриент-2026: ХИФУ испииһэгэ сарсын тахсар

Ол курдук, бастакы түһүмэххэ 648 оҕо босхо миэстэҕэ киирбит. Ол иһигэр 23 олимпиада кыайыылааҕа, 127 ураты квотанан, тус сыаллаах миэстэҕэ – 290, туспа квотанан – 208.

Саамай элбэх бастакы уочарат киирээччи Мединститукка киирбит – 248 киһи. Математика уонна информатика инстиуттугар – 39, Физико-техническэй институт – 37, Омук филологиятын уонна регионоведение институтугар 32 абитуриент киирбит.

Атырдьах ыйын 5 күнүгэр киирбит абитуриеннартан сөбүлэҥнэрин ылыы түмүктэммитэ. Чуолкай испииһэк сарсын уопсай испииһэк сарсын, атырдьах ыйын 7 күнүгэр, тахсыаҕа.

Санатан эттэххэ, үөрэххэ тутарсыы 4 суоллаах:

1. Уопсай куонкуруһунан – БКЭ баалынан бүддьүөттэн үбүлэнэр миэстэлэргэ бары абитуриеннар туттарсаллар.
2. СВО квотата (Туспа квота)  – байыаннай эпэрээссийэ кыттыылаахтара, кыттыылаахтарын оҕолоро, огдооболоро туттарсаллар. Бүддьүөттэн үбүлэнэр миэстэ 10 бырыһыана кинилэргэ ананар.
3. Ураты квота – I уонна II группалаах инбэлииттэргэ, тулаайахтарга, байыаннай дьайыы бэтэрээннэригэр.
4. Тус сыаллаах (целевой) квота – үлэнэн хааччыйар тэрилтэни кытта түһэрсиллибит дуогабарынан көрүллэр, үөрэммит идэнэн хайаан да үлэлээн толуйары ирдиир.

Ол туһунан "Киин куорат" эрдэ суруйан турар.