АБДь бэтэрээннэрин ассоциациялара улуус аайы арыллыахтара

«Биһиги сорукпут – бэтэрээн ким да болҕомтото суох хаалбатын туһугар. Ахсынньы 31 күнүгэр диэри Саха сирин 34 улууһугар уонна икки куоракка СВО бэтэрээннэрин ассоциациятын филиалларын арыйар былааннаахпыт», – диэн бэлиэтээтэ кини.

Билигин филиаллар алта улууска үлэлииллэр. Ассоциацияны сүрүннээн бэтэрээннэр, уопсастыбанньыктар уонна муниципалитеттар бэрэстэбиитэллэрэ миэстэтигэр быһаччы тэһииннииллэр.

«Ассоциация чилиэннэрин ахсаана, биллэн турар, билигин өссө да ситэтэ суох. Ол иһин биһиги актыыппытын салгыы тэрийэбит уонна бэтэрээннэри биһиэхэ кыттарга ыҥырабыт», – диэтэ Заболоцкай.

Элбэх бэтэрээн тэрилтэ туһунан билсэр доҕотторуттан, социальнай ситимнэртэнуонна тус кэпсэтиилэртэн истэллэр. Официальнайдык киирэрэгэ «Патриот» эдэр ыччат киинигэр тиийиэххэ эбэтэр докумуоннары уонна хаартысканы электроннай көрүҥүнэн ыытыахха сөп.

Ассоциация былаас уорганнарын, «Защитники Отечества» судаарыстыбаннай пуонданы уонна бэтэрээннэргэ көмөнү оҥорор атын тэрилтэлэри кытта ыкса сибээстээхтик үлэлиир.