Ааспыт суукка субуокката

Ааспыт суукка иһигэр өрөспүүбүлүкэҕэ 6 буруйу оҥоруу бэлиэтэммит.

Абый Белая Гора бөһүөлэгэр 1978 с. т. эр киһини суорума суоллаабыттар. Уорбаланааччыны дьахтары булбуттар.

Дьокуускай куоракка кыбартыыраттан 152 тыһ. солк. сойбоппуттарын туһунан үҥсүү киирбит.

Томпо улууһун Хаандыгатыгар домофон олордобут диэн куоһурданан, 200 тыһ. солк. күрэппиттэр.

Дьокуускайга сымыйа, олоҕо суох докумуоннары туттаран, 500 тыһ. солк. социальнай көмөнү ылбыт киһиэхэ холуобунай дьыала көбүтүллүбүт.

Киин куорат олохтооҕо сааны сокуоннайа суох харайыыга күтүрэнэр. Дьокуускай Сэбиэскэй Аармыйа 50 сыла уулуссатыгар турар элбэх кыбартыыралаах дьиэ подъеһын аттыгар бэйдиэ сылдьар ыт 2015 с. т. оҕоҕо саба түспүтүн туһунан иһитиннэрии киирбит. Ол Прокуратура көрүүтүгэр киирбит.

Холуочуйан баран тимир көлөнү ыыта сылдьар 11 суоппар тутуллубут. Кинилэртэн биир киһи —иккистээн түбэһиитэ.