"Аар айылҕаттан алаһа дьиэҕэ"

Балаҕан ыйын 26 - алтынньы 10 күннэригэр "Үргэл" арт-галереяҕа эдэр худуоһунньук Мария Аммосова "Аар айылҕаттан алаһа дьиэҕэ" ("От природы к дому") персональнай быыстапката буолаары турар.

"Мин Дьааҥы улууһун Сартаҥ нэһилиэгиттэн төрүттээхпин. Оҕо сааһым ураты кэрэ көстүүлээх сиргэ ааспыт буолан кыра эрдэхпиттэн тулалыыр эйгэ, айылҕа уларыйыытын кэрэхсээн улааппытым. Соҕотох ойуурга дьаарбайа, сир астыы сылдьан хас биирдии үүнээйигэ дьиктини булан көрөр этим. Хайаттан үөскээн тахсар дохсун сүүрүктээх Сартаҥ үрэҕим, тулалыыр таас хайаларым, эриэккэс сибэкки, от-мас арааһа - барыта кэрэ иэйии муҥутуур чыпчаала буолан айар үлэбэр бэйэм суолбун буларбар төһүү күүс буолбуттара. 
2012 сыллаахха АГИКИ-га «Живопись» салаатыгар туттарсан киирбитим. Онно худуоһунньук быһыытынан маастарыстыбам чочуллубута.  2018-2023 сс. Мииринэй оройуонун Светлай бөһүөлэгэр Оҕо искусствотын оскуолатыгар оҕолору уруһуйга уһуйааччынан үлэлээбитим. Мин идэм - ыччакка искусствоҕа дириҥ тапталы иҥэрэр айыылартан бэриллибит аналым. Бастакыбын тэрийэр айар үлэбин билиһиннэрэр быыстапкабар ыҥырабын!" - диир Мария Васильевна Аммосова.

💠 «Үргэл" арт-галерея аадырыһа:
Лермонтов уул., 35/1, 
үлэлиир бириэмэтэ: 09:00-17:00 ч., 
үлэ күннэрэ: бэнидиэнньик-бээтинсэ.