Ааныҥ айаҕар бөҕү хааллардаххына, 15 тыһ. солк. ыстарааптаныаххын сөп

Эксперт быһаарбытынан, кирилиэстэр уонна киирэр ааннар уопсай бас билии буолаллар. Олорор дьиэлэргэ санитарнай-эпидемиологическай ирдэбиллэри кэһии РФ Административнай быраабы кэһиилэр тустарынан кодексын 6.4 ыстатыйатынан ыстарааптанар — 500 солкуобайтан 1000 солкуобайга диэри.

Быраҕыллыбыт бөх баһаар кутталын үөскэтэр түгэнигэр, ыстараап кээмэйэ 5000–15000 солкуобайга тиийиэн сөп диэн Моисеев сэрэттэ.

Манна даҕатан эттэххэ, сорох олохтоохтор бөхтөрүн анал дьааһыкка ситэ тиэрдибэккэ, подъездка, лиипкэ, кирилиэс да анныгар хаалларбыт түгэннэрэ баар буолар. Онон, ыстараапка түбэспэт инниттэн, суобаскытын уһугуннаран, мөһөөччүктээх бөххүтүн аҕыйах хардыыны оҥорортон сүрэҕэлдьээбэккэ дьааһыктарга быраҕаргыт ордук буолаарай.